Жиналыс ата-аналар
Алматы облысы білім басқармасының Талғар ауданы бойынша білім бөлімі мемлекеттік мекемесінің «№ 13 жалпы білім беретін орта мектебі» коммуналдық мемлекеттік мекемесі
2021 -2022 оқу жылындағы І тоқсан бойынша
мектептің әдістемелік жұмыс бағытындағы
талдауы
Дайындаған ДҒӘІЖО Л.Зарпулова
2021 -2022 оқу жылында мектебіміздің оқу-тәрбие процесінде білім бағдарламасын жеке тұлғаның толық игеруіне қажетті білім ортасын құру, білім сапасына диагностика мен мониторингтің сапалы жүргізілуін қамтамасыз ету, оқушылардың функционалдық сауаттылығын қалыптастыру, қоғамдық-гуманитарлық және жаратылыстану-математикалық бағытының оқыту деңгейін арттыру, оқушылардың шығармашылық және зерттеушілік құзыреттерін дамыту, кәсіби құзыреттілікті қалыптастыру арқылы әдістемелік жұмыстың деңгейін көтеру, «Мәңгілік Ел» жалпы ұлттық идеясы мен оның құндылықтарын нығайту, мұғалімдердің кәсіби қоғамдастық аясын кеңейту, оқушы, мұғалім, ата-ана ынтымақтастығын дамытуды негізгі міндет етіп алынды. «Жаңартылған білім мазмұнына сай мұғалімдердің кәсіби құзыреттілігін қалыптастырып, білім алушылардың функционалдық сауаттылығын арттыру» тақырыбы аясында білім берудің жаңа кезеңінде сындарлы оқыту арқылы зерттеушілік және шығармашылық құзыреттіліктері қалыптасқан, рухани дамыған жеке тұлға даярлауды басты мақсат ете отырып жұмыс жүргізуде.
Мұғалімдердің сапалық құрамы
оқу жылдары | барлық мұғалімдер | Жоғары санатты Педагог -зерттеуші | І санатты Педагог- сарапшы | ІІ санатты Педагог -модератор | сапалық құрамы | |
2019- 2020 | 139 | 30 (13/17) | 33 (6/27) | 42 (27/15) | 63 | |
21 % | 23 % | 30 % | 45 % | |||
2020- 2021 | 150 | 32 (8/24) | 44(7/37) | 35 ( 16/19) | 76 | |
21 % | 29% | 23% | 50 | |||
2021-2022 | 186 | 43(4/39) | 49(5/44) | 30(14/26) | 66 | |
Жас жеткіншектің бойындағы табиғат берген ерекше қабілетті, дарындылықты тану, оның одан әрі дамуына бағыт-бағдар бере білу-ерекше қиын іс. Баланы заманына қарай икемдеп, өз заманының озық өнегесін санасына сіңіріп, оны жан-жақты дамыту бүгінгі күннің басты талабы. Дарынды балаларды оқыту мен тәрбиелеуді ұйымдастырудағы басты міндет-дарындылықтың ерекшеліктерін айқындау мен анықтау. Мектепте дарындылықты анықтау, ерекшеліктерін айқындау мақсатында оқушылар мектепішілік, аудандық, облыстық, республикалық деңгейдегі олимпиадаларға, байқауларға, интеллектуалдық ойындарға, қашықтық олимпиадаларға қатыстырылуда.
№ | Оқу жылы | Оқушының саны | Дарынды оқушылардың саны |
1 | 2019-2020 | 1940 | 315 |
2 | 2020-2021 | 1954 | 350 |
3 | 2021-2022 | 2134 | 480 |
І тоқсан қорытындысы бойынша мектептегі педагогтердің озық технологияны меңгерудегі шеберлігі мен ізденісінің арқасында пән мұғалімдері, оқушылар республикалық, облыстық байқаулар мен олимпиадаларға қатысып, айтулы жетістіктерге жетті. Атап айтқанда:
- Республикалық қашықтық олимпиадасында математика пәнінің мұғалімдері Ж.Толеуханова республика бойынша ІІІ орынға, Ф.Медеубаева , А.Турсбекова аудан бойынша ІІІ орынға, география пәнінің мұғалімдері Д.Рахманбекова республика бойынша ІІ орынға, М.Кузенбаева облыс бойынша ІІІ орынға, бастауыш сынып мұғалімдері Ж.Қыйсықова, Ф.Алимова аудан бойынша ІІІ орынға , Ф.Қасымжан аудан бойынша ІІ орынға ие болды.
- «Менің кіші Отаным» атты ІҮ республикалық конкурсының облыстық кезеңінде 10-сынып оқушысы Сагудуллаева Ақерке ІІ дәрежелі дипломмен марапатталды. Жетекшісі тарих пәнінің мұғалімі Б.Даутова;
- Аудандық 9-11 сынып оқушылары арасында өткен «Дарын» ғылыми жоба байқауына 9 оқушы қатысып, 6 оқушы І,ІІ, ІІІ орындарға ие болды.
- І орын:
1.9 сынып оқушысы Айбынқызы Мадина – Математика секциясы бойынша жетекшісі М.Толеубаева
2. 10 сынып оқушысы Қолайбердина Айгерім - Өлкетану секциясы бойынша жетекшісі Б.Даутова
3. 10 сынып оқушысыНесіпбек Арудана- Қоршаған ортаны қорғау секциясы бойынша жетекшісі А.Сарсенбаева
ІІ орын:
1.9 « сынып оқушысы Аблимитов Арманжан – Тіл білімі секциясы бойынша жетекшісі Ш.Даменова
2. 10 сынып оқушысы Арланқызы Рабия – Тіл білімі секциясы бойынша жетекшісі А.Жукенова
3. 10 сынып оқушысы Матжанова Томирис – Тарих секциясы бойынша жетекшісі Б.Даутова
ІІІ орын
10- сынып оқушысы Таубалды Аяулым – Этномәдениеттану секциясы бойынша жетекшісі М.Өмірбек
Аудандық ғылыми жоба байқауының І орын иегерлерінің жұмысы облысқа өткізілді.
- Жаратылыстану-математика циклы пәндер бойынша
Президенттік олимпиаданың аудандық кезеңде 11 Б сынып оқушылары Нұрсерік Есіл ІІ орынға, Мұхтарханов Мұхамедәли ІІІ орынға ие болды.
- Айқанат пәндік олимпиадасының І кезеңіне 8- сынып оқушыларынан 30 оқушы тіркеліп, 24 оқушы қатысты. Қорытындысы 14 күннен кейін белгілі болады.
- Республикалық КИО қашықтық олимпиадасында тарих пәнінен 8 «А» сынып оқушылары Аяужан Тлеухор, Меруерт Бахыт аудан бойынша ІІ орынды иеленді.
Мектепте салауатты өмір салтын қалыптастыру, оқушыларды дене шынықтыру пәніне деген қызығушылықтарын арттыру мақсатында дәстүрлі түрде спорттық ойындар, эстафеталық жарыстар, ұлттық ойындар ұйымдасырылып өткізіледі.
Аудандық мектеп лигасы – 2021 спартакиадада :
«Үміт сөресіне» 6 оқушы қатысып, 7 а сынып оқушысы Тоқтарбай Арман орынға, 7 Е сынып оқушысы Мәсен Думан орынға
«Күзгі кросстан» 8 А сынып оқушысы Ж.Асылбек ІІ орынға ие болды.
Қазақстан Республикасының білім мен ғылымды дамытудың 2021 - 2025 жылдарға арналған Мемлекеттік бағдарламасында қазақстандық оқушылардың халықаралық «мәтінді оқу және түсіну сапасын бағалау» PIRLS - зерттеуіне қатысу жоспарланған. Осы бағдарламаға сәйкес биылғы оқу жылында аудандағы 42 мектептің ішінде 5 мектеп іріктеленіп алынды. PIRLS – зерттеуі әртүрлі әлем елдерінің бастауыш сыныптарының мәтінді түсіну деңгейлерін сәйкестендіру және ұлттық білім жүйесінің оқу сауаттылығын ашудағы ерекшеліктерін анықтау мақсатында өткізілді. Соның ішінде біздің мектептің 5 Г сыныбы үстіміздегі жылдың 14 қазан күні халықаралық зерттеуге қатысты. Зерттеу кезінде оқушылардан мәтіндер бойынша тестілеу, мектеп әкімшілігінен, бастауыш сыныптағы сынып жетекшісінен, ата-аналардан сауалнама алынды. Зерттеу жоғары деңгейде ұйымдастырылып, ережеге сәйкес өткізілді. Дайындық жұмыстарын жүргізген бастауыш сынып, қазақ тілі мен әдебиеті, информатика пәні мұғалімдеріне, ата-аналарына мектеп әкімшілігі тарапынан алғысымызды білдіргім келеді.